"DÖZ"mə

Ah, bizə nə öyrətmişlər
Dözmək, səbr etmək ancaq.
Yaxşı olmasa belə
"Döz" demişlər daima.
Döz ki, bir gün gələcək 
Hər şey yaxşı olacaq.

Döz - hər cür yalan sözə;
Döz - hər rəng yalan gözə;
Döz - hər yalan ürəyə;
Elə bir gün gələcək,
Bax, bu saxta birlikdən
Təklik yaxşı olacaq.

Bu bütün haqsızlığa,
Yalana, nankorluğa,
Ədalətsiz dünyaya,
"Bir şey dəyişməyəcək"- 
Deyə üsyan eyləmə.
Döz və səbr et, döz.

Ah, səbr etdikcə sən belə
Elə bir gün gələcək,
Bax bu fani həyatdan
Ölüm yaxşı olacaq.
Dözməkdənsə, sən kimi
Ölsəm, yaxşı olacaq...