Həyat bu...

İş masasının qarşısında durdu. Tərəddüddədir... Tәqvim hәlә dә o gündә ilişib qalmışdı. 30 iyun - Atası o tәqvimә son olaraq o tarixdә baxmışdı. Vә yenә, üzәrindәn tam 1 il keçәndәn sonra o da hәmin tәqvimә baxırdı. Hәmin günü tamamilә silmәk istәrdi. Mümkün olsaydı, edәrdi dә. Amma o qaralamaqla kifayәtlәndi. Ailəsinin rəsminə baxır və gözləri dolur yenə: "Bir ay sonra evlənəcəm.. onunla..." Bunu onlarla yaşamaq istәrdi, bәlkә dә hәyatında әn çox bunu istәrdi... Amma hәr istәdiyinin olmadığını öyrәnmişdi artıq.  Artıq onları itirdiyindən tam olaraq 1 il keçib. Dözmür, kompyuteri açır və yazmağa başlayır.

Tanımaq...

İnsanları tanımaq... Bu o qәdәr qәribә bir hissdir ki. Birini oxuya bilmәk. Birini hiss edә bilmәk. Eyni hisslәri yaşaya, eyni düşüncәlәri fikirlәşә bilmәk...

Heç kimi tanıdığına peşman olma. Necә ki, yaşadığın gözәl vә pis anlardan, etdiyin doğru vә yanlış hәrәkәtlәrdәn, hiss etdiyin yaxşı vә pis hisslәrdәn peşman olmamalısan, bax, eynilә elә.

Bәlkә dә bir şeydәn ötrü peşman ola bilәrsәn - birinin sәni tanımağına icazә verdiyin üçün. Sәni tanımaq - sәni anlamaq, sәni hiss etmәk, sәni yaşamaq demәk; Sәni bütününlә birgә görmәk demәk; Ruhunun varlığını, zәrifliyini, dәrinliyini hiss etmәk demәk.

Bax buna görә icazә vermәmәlisәn :)

Mənim gözəl bir adam var

Mənim gözəl bir adam var,

Yaşıllıqdı başdan-sona.

Yox fabriklər, yox zavodlar,

Yox dünyanın çirkli işi.

Hər kəs özü əkər-biçər,

Hər kəs özü üçün işlər,

Hər kəs hər kəs üçün işlər.

Suallarım və Cavablarım...

Səfillər - gözəl bir roman, yazarı Viktor Hüqo, 

Cinayət və Cəza - gözəl bir roman daha, yazarı Fyodor Dostoyevski

Mona Liza - gözəl bir rəsm, rəssamı Leonardo Da Vinçi

Ulduzlu gecə - rəssamı Van Gogh, Guernica - rəssamı Pablo Picasso,

Ay işığı sonatası - gözəl bir bəstə, bəstəkarı Ludwig van Beethoven

Requem - bəstəkarı Wolfgang Amadeus Mozart

İnsan və Təbiət - ən mükəmməl sənət əsəri ikən, onun sənətkarı necə göz ardı edilə bilər? 

Gecikmək...

Ən sevmədiyim xasiyyətimdir gecikmək. Bu xüsusiyyətimi sevməsəm də, qəbul edirəm. İnsanın bəzi xüsusiyyətləri dəyişməyə açıq olmur. Bəzən gecikməyin nəticələri olduqca ağır olur. İz qoyar bunlar. Baxdıqda o qədər də böyük şeylər olmazlar, amma izləri ömürlük qalar. Yadımda, məndə də olub belə bir şey. Niyəsə hər dəfə yadıma düşür. Hadisənin niyə o qədər təsir etdiyini də bilmirəm, əslində...

Bəzən...

Bəzən dilədiyim kimi yaşamaq istəyirəm,
Bəzənsə yalnızca ölmək.
Lakin bacarmıram.

Bəzən sonsuza qədər yatmaq istəyirəm,
Bəzənsə yatmadan yaşamaq.
Lakin bacarmıram.

Bəzən dayanmadan danışmaq istəyirəm,
Bəzənsə ancaq susmaq.
Lakin bacarmıram.

Bəzən sadəcə doğruları demək istəyirəm,
Bəzənsə yalan danışmaq.
Lakin bacarmıram.

Bəzən çox xoşbəxt olmaq istəyirəm,
Bəzənsə ən bədbəxt olmaq.
Lakin bacarmıram.

Bəzən heç nə olmaq,
Bəzənsə hər şey.
Bəzən heç kim olmaq
Bəzənsə hər kəs.
Bəzən yoxluq olmaq,
Bəzənsə varlıq.
Lakin bacarmıram.

Bəzən heç düşünməmək istəyirəm,
Lakin bacarmıram,
Bilirəm, bacarmaram.